insan du putong haki
predobabe
sabu – huru ta, adil ta, e pase ta a dunia su baze si note la in ten di onor e la par e an alo bil di haki de pan un membre de insan famili. sabu – insan haki su nega e hen fa asar men barbar karma, ki fa furi la insan jong su moral sense, e putong demo su masim gau gol si kai de un dunia, a ki insan ye ten la huru ta de loga e din huru e si sekur de fobi e yau. sabu – vo si krizi, gar un insan no vil be paka to, ka fin me plan, rebel kontra yo zalim ta e haki presa, pan insan haki be sekur la kanun. sabu – vo si krizi, raste la dosti guanxi a medi de nasi. sabu – pan nasi de Un Ta Nasi, a yamen su baze dokumen, re amen yamen su xin de baze insan haki, de onor e valu de insan jen, e de par haki de man e fem, e plan sim yo sosi jin e mas bon jiva darja a mas dai huru ta. sabu – membre dexa le vode gol, va mede de Un Ta Nasi, la mote de putong onor e sekur ta de insan haki e baze huru ta. sabu – un putong aha de yi haki e huru ta ten la masim ham ta gar yi vode bil si ver. asar – PUTONG JAMA de UN TA NASI ye komun yi PUTONG LOGA de INSAN HAKI ka un putong norma de jin ta to pan demo e pan nasi, to ici de pan un jen e pan un fen de sosi, dur de hema yi loga a pan sata, vil gung va xula to sim la onor de yi haki e huru ta e, a nasi di e nasi medi di jin sim di karma, fa sekur yamen su putong e funsi di note e sekur ta, a medi de nasi jen de membre dexa e medi de jen de dexa, ki nica yamen su krati.
babu 1
pan insan be jene va huru ta e par ta a onor e haki. yamen ten yo razon e budi. yamen mus be culi semon va ruhu de brus ta.
babu 2
pan insan ten la haki de pan haki e huru ta a in de yi loga, va hin de eni has ta de yang, to misal: rasa, rang de pil, jinse, baxa, din, politi o alo rai, nasi o sosi asal, mal, jene, o alo hal. plus, mus no fa has a baze de politi di, sultan di, o medi nasi di hal de dexa o area, ki ten pan un insan, gar o no gar ya si auto nomi, vai nomi, o eni alo yang de krati.
babu 3
pan insan ten la haki de jiva, huru ta, e sekur ta de jen.
babu 4
no halal eni insan be paka to serve ta. paka serve ta e vende xopi de paka serve ja mus be haram a pan forma.
babu 5
no halal eni insan be zalim di pasi o be don yo zalim di, an insan di, o an yau di insulti pune.
babu 6
pan insan ten la haki be de note ka jen a kanune a pan loka.
babu 7
pan insan si par a kanun e ten la haki de par sekur de kanun va hin de eni has ta. pan ten la haki de sekur ta to kontra eni has ta, ki be haram yi loga, e to kontra eni suja de has ta, ki sam.
babu 8
pan insan ten la haki de un funsi di sahi de dexa di jude ja, de ten sultane, ca acione de kontra bazi haki de wadu bazokanune o ali kanune pa le.
babu 9
no halal eni insan be an razon di kape o jela o dexa vai.
babu 10
pan insan ten, a pul par ta, la haki de un adal e komun di audi de auto nomi e an parti di jude ja to jude de ya su haki o mus o krime.
babu 11
- pan insan, ki be jude, ten la haki de be fikir ka an doxa hata ya be dalil ka doxa va sam rai de la kanun va komun jude, a ki ya ten pan garanti to ya su defa
- no halal eni insan be jude ka doxa de eni krim a sabu de un karma o karma hin, ki no si krim a dur ya karma ya a nasi di o nasi medi di kanun. e no halal don un mas dus fatu ka la fatu, ki si aplika bil a kanun a dur ya karma ya.
babu 12
no halal eni insan be an razon di karma va ya su tana o famili o dom o posta, o be agres a ya su onor. pan insan ten la haki de defa to kontra la yang de karma e agres.
babu 13
- pan insan ten la haki de huru migra e dom a in de la kinar de eni dexa.
- pan insan ten la haki de xutu de eni dexa, a in klus se su dexa, e de fuka to ya su dexa.
babu 14
- pan insan ten la haki de cing e uze de bega ta to kontra yo agres a alo dexa.
- no halal yi haki be uze gar un jen be agres de ver di an politi krim o de karma, ki kontra la dike o kanun de la Un Ta Nasi.
babu 15
- pan insan ten la haki de nasi jen ta.
- no halal fa an zai la nasi jen ta de eni insan o fa nega la haki de mute de nasi jen ta.
babu 16
- matur insan ten la haki de gami o kai de famili va hin de limite de rasa o nasi jen ta o din. yamen ten yo par haki a gami e dur la gami e a fin de gami.
- gami un di si halal va huru e pul di sam rai ta de la gami jen.
- famili si tabi e baze di so de sosi e ten la haki de sekur ta de dexa e sosi.
babu 17
- pan insan ten la haki de mal, va un di se o va alo jen.
- no halal kape la mal de eni insan a ya su ici o kanun.
babu 18
pan jen ten la haki de fikir e moral e din; yi haki fa in klus la huru ta de mute de din o xin e la huru ta de xou de din o xin, va un di se o va alo insan, va giau o suna o puja.
babu 19
pan insan ten la haki de huru ta de rai e rai loga; yi haki fa in klus la huru ta de ten yo rai va hin de an cing di karma, e de soka e daku e komun de kon sabe e idea, va eni medi xe e va ham hin de kinar.
babu 20
- pan insan ten la haki de huru ta de pasi jama e liga.
- no halal paka eni insan to liga.
babu 21
- pan insan ten la haki de parti a politi de ya su dexa, a dixa riti o a transe un cun vakil ja.
- pan insan ten la haki de par uze bil ta de komun serve a ya su dexa.
- la ici de la jama de insan mus si baze de la sultan de politi; yi ici mus be xou a zaman di e ver di vote cun va putong e par e siri vote o a par riti de huru cun.
babu 22
pan insan, ka membre de sosi, ten la haki de sosi sekur ta e ten, a asar de nasi di gung e nasi medi di jama gung e va sam rai la ratibu e faida xe de pan un dexa, men mal nomi di e sosi e kultur di haki, ki be yau to ya su onor e huru darja mute de ya su jen sifa.
babu 23
- pan insan ten la haki de gung, de huru cun de gung, de adal e favor bil di gung hal, e de sekur ta to kontra yo gung hin.
- pan insan, va hin de has ta, ten la haki de par pei de par gung.
- pan insan, ki gung, ten la haki de adal e favor bil pei, ki garanti un par zai ta ka onor de insan, to ya e ya su famili, e ki be pul va alo riti de sosi sekur ta.
- pan insan ten la haki de sana e liga de men gung liga to sekur de ya su ham xe.
babu 24
pan insan ten la haki de xux e xanti di zaman; yi fa in klus yo razon di limite de gung hor e zaman di pei di festa den.
babu 25
- pan insan ten la haki de jiva norme, ki garanti la salu e suka de ya e ya su famili; yi fa in klus yo yam e fuku e dom e dava e yau soci serve, e la haki de sosi sekur ta a kas de an gung ta o pati o an bil ja ta o vidou ta o lau sene o eni alo hin de jiva faida, ki ya no bil sultan.
- cin ta e ben ta ten la haki de has mede. pan ben, a o a hin de gami, mus daku la sam sosi sekur ta.
babu 26
- pan insan ten la haki de xula. xula mus hin eni koste, a minim a la baze faze. baze xula mus si mus. tehni e gung di xula mus si putong di uze bil e dai xula mus si par di uze bil to pan insan, a baze de bil ta.
- xula mus fa fokus a la pul darja mute de insan jen sifa e a fa lika la onor de insan haki e baze huru. ya mus sim la aha e tolera e dosti ta de pan nasi e rasa e din grupe, e mus mede la karma de la Un Ta Nasi to hafiza de pase.
- pan cing ten la cen haki de cun de la yang de xula, ki be don to se su ben.
babu 27
- pan insan ten la haki de huru parti a kultur jiva de sosi e de uze de sundar suta e de komun de logi jin e ya su faida.
- pan insan ten la haki de sekur de la moral di e prati di faida, ki be asar de eni logi o kitabu o sundar sana, ki se le sana.
babu 28
pan insan ten la haki de sosi e nasi medi di ratibu, a ki la haki e huruta de yi dokumen bil be pul di ver.
babu 29
- pan insan ha men mus to sosi, a ki ya su jen sifa bil be huru e pul di darja mute.
- a aplika de ya su haki e huru ta, no halal eni insan be limite eni kanun limite, ki no sekur la haki di note e onor to la haki e huru ta de alo o fa ver la moral e komun ratibu e putong bon sifa a demo krati di sosi.
- no halal, a eni kas, aplika yi haki e huru ta kontra la dike e sim baze de la Un Ta Nasi.
babu 30
siro xe a yi dokumen bil don, to eni dexa o grupe o jen, eni haki de karma o parti a karma, ki dike fa harabu eni haki o huru ta, ki be kitabu a yi dokumen.