Skip to content

let baru se pati dante

un suba, ma baru ye yau to da bazar. da loga to let baru: "no yam yo kandi o keke a dura of mi a bazar." let baru ye loga: "ye, ye, mama! mi nou da. mi un dai baru. plis to vai!" ma baru ye loga "sal" e da to vai.

let baru es unike. da fikre: "mi zai bil fa eni she, ki mi vol!"

let baru ye move to vashi kamar. da fikre "mi no vol vashi mi se dante a zai." let baru es bad.

let baru ye tire un let kar a pan un kamar. da vide da keke sanduku a meza. da fikre "mi vol yam keke!" a da memo: "a! mama haram mi yam keke." let baru no yam keke.

let baru ye vide da kandi botel a almari. da fikre "mi vol yam kandi!" a da memo: "a! mama haram mi yam kandi." let baru no yam kandi.

let baru vide da medu pote a alo almari. da fikre: "mama loga siro she tema of medu. mi bil yam medu!" let baru ye side a kursi e da yam let medu. medu ye gud guste!

let baru ye yam pan medu.

pos, let baru ye sense un sense, ki da no nou, a boke. da se dante pate!

da kape da telefon. da loga: "halo! sual tu es dante dokter? plis kom to mi! mi ha un pate dante!"

da dokter ye kom to baru famil se haus. da loga: "sual tu yau mede?" let baru loga: "ye! mi ha pate dante!"

da dokter ye plis da let baru ye side a kursi e kai se se boke. "aha! un dante es poli bad! mi mus kape da to exe"

da dokter ye jusha yo dava she to dante nama a karibu of bad dante. let baru no sente da pate of zai.

da dokter ye tire da dante va pinse gi. a da dante no kom!

vaf ye kom mede da dokter. da dokter e vaf ye tire da dante, a da dante no kom!

mau ye kom mede da dokter e vaf. da dokter e vaf e mau ye tire da dante, a da dante no kom!

ekore ye kom mede da dokter e vaf e mau. da dokter e vaf e mau e ekore ye tire da dante...

da dante kom to vai!

da dokter ye loga to let baru: "da bad dante zai a vai. plis memo uze un dante brosha a pan un suba e a pan un sham!" let baru ye vode memo.

let baru loga: "shukra, dokter e vaf e mau e ekore!"

let baru ye vashi da se dante va un dante brosha a pan un suba e sham.

ma baru ye note da let baru fa mor gud di hafiza se se dante. mama loga: "tu es gud let baru!"