tri let goro
🐷🐷🐷
a tele pas, mama goro have tri let goro. ama da no have bas yam to don to di. un den, di es bas sen, e da mise di to dunia to serche sef sef gol a vive.
goro un no suka labur. da pul no van labur e da bina sef se haus de gan gazo. goro du ye let mor li suka labur, e da bina sef se haus de moka kane. pos da, di chante e danse e van a hol dia.
goro tri ye teza labur a pan dia, e da bina sef se haus de petra. da es bala haus, ki have tanur e duman tubo. da rupa ka da bil bala li lipa a da masim bala hava.
a pos den, volfe move a karibu dau, a ki da tri goro ye haus. da vize gan gazo di haus, e da aroma da goro in da haus. da fikre da goro es bon yam, e da se boke ye kai sana som sui.
🐺
da volfe ye bate da mun e loga: "let goro! let goro! plis kai da mun! plis kai da mun!" ama da let goro ye vize da volfe se dai hande tra da chavi kong. da javab: "no! no! no!" pos, da volfe fa shou sef se dante e loga: "mi hava e mi hava e mi parcha tu se haus!"
da hava e da hava e da parcha da haus! da volfe fa kai sef se boke to masim, ki da bil, ama goro un ye go, to let goro du se haus.
da volfe zoku a let dau. da pas haus du, ki be sana va moka kane. da vize da haus. da aroma da goro a in. da se boke ye kai sana som sui, a sabu de da fikre di es bon yam.
da bate da mun, e loga: "let goro! let goro! plis kai da mun! plis kai da mun!" ama da let goro vize da volfe se gona ore a da chavi kong. di javab: "no! no! no!" da volfe shou sef se dante e loga: "mi hava e mi hava e mi parcha tu se haus!"
🌬️
da hava e da hava e da parcha da haus! volfe teste kape da du goro a sam zaman, ama da van mor ka bas, e da kape siro goro! da se dai boke be klus to siro she de air. da du let goro ye go, masim rapide ka di se fute bil kino di.
da volfe teste kape di a let dau. da karibu kape di, ama di lai to petra haus e kelele kai da mun e a chen de da volfe ye bil kape di.
da tri let goro ye fobi. di san da volfe ye van yam di. di es poli poli fobi. da volfe no le yam a pan den, e da se yam van be kai no toler bil. da zai bil aroma da pan tri goro a haus. da san da tri let goro es bon yam she.
da volfe fa bate da mun, e loga: "let goro! let goro! plis kai da mun! plis kai da mun!" ama let goro vize da volfe se let huang yen a chavi kong. di loga: "no! no! no!" da volfe shou sef se dante e loga: "mi hava e mi hava e mi parcha tumen se haus!"
da hava e hava. da hava e hava. e da hava, e hava, e hava, ama da no bil parcha da haus. a fin, da poli fatige di hava. sun da no bil mor hava. da ting to shush, e da let fikre.
vo es mor ka bas. da volfe marcha a gola a furi. da plan da lai pas da duman tubo e da yam let goro to sham yam. ama a dur de da eskale to haus se chati, da let goro ye sana un poli garma di hogo e loka un dai sui ketel a hogo. a pos, a sam zaman de da volfe lai to dipe de tanur, da let goro fa kai da ketel... ayo! volfe be padu to in de poli garma di sui!
🔥
da let goro fa loka un daka a da ketel. da volfe be boli a ketel! e tri let goro ye yam da to sham yam.