tin buze e guye

tarju da Erjo

un ban, guye domu sa nice da pule, da transa suy. guye tena mal rupe. le tena kane – day ko plate, e nose – day ko warkobroxe.

sa koy den, guye auda lil sonde sa supre da pule. «ki ren marca sa mi pule?» kritu guye. «o! mono me, lil buze» logu lil buze. le loga day xixo, e kontina: «me marca pa grasistan da me wil niama pa me si pangi».

«zayo me kapa te!» logu guye.

«no, no!», logu lil buze. «no kapa me, sabu me si lil lil. mono denga lil, e medi buze wil marca, le si max day». «okey», logu guye.

👺

bada lil zamane, sonde audu sa supre da pule. «ki ren marca sa mi pule?», kritu guye. «o! si me, medi buze. me kina pa grasistan da me wil niama pa me si pangi», logu medi buze. le fulo no loga xixo.

«zayo me kapa te!» logu guye.

«no, no! no kapa me» logu medi buze. «denga lil, e day buze wil marca, le si dayo day». «okey» logu guye.

🐐🐐🐐

bada lil zamane, bari kelele audu sa supre da daw. «ki ren marca sa mi pule?», kritu guye. «me, day buze», logu day buze sa gawi sonde.

«zayo me kapa te!» logu guye.

«si, te laya! me tena dul batone, sa lole me wil haraba ti kane. me tena dul day jengopetre, sa lole me wil parca ti oste.»

e bada ye, day buze haraba guye du kane, e parca guye du oste, e lanca guye pa suy. bada ye, le marca pa grasistan. sa grasistan, pan buze fatu pangi. lole karibo no tena energe pa fuga pa dome. e aga lole no kina ze hayo, lole hayo si pangi.

🏞️