Skip to content

tri behe i un gui

trabasha de Erjo

a tele pas, un gui be dom a nicha de un kio, ki transe un rivo. la gui ya ten un dus rupa. da ten yen, ki dai ka tasa, i nos ki long ka bele.

a un den, la gui ya audi un shau soni a supra de kio. «ke jen ya marcha a mi su kio?» la gui ya krita. «oh! un di zai mi, shau behe» un shau behe ya loga. da dai shush di loga, i fa zoku: «mi marcha to gazo topo, a ki mi sha yam to mi e gola».

«zai mi kape tu!» loga la gui.

«no, no!», la shau buze ya loga. «no kape mi, a sabu de mi e shau shau. un di shau deng, i medi behe sha marce. da e mas dai». «oke», la gui ya loga.

a pos de shau zaman, un soni be audi a supra de kio. «ke jen marcha a mi su kio?», la gui ya krita. «oh! e mi, medi behe. mi move to gazo topo, a ki mi sha yam to mi e gola», la medi behe ya loga. da no shush di loga.

«zai mi kape tu!» la gui ya loga.

«no, no! no kape mi» la medi behe ya loga. «shau deng, i dai behe sha marcha. da e dai dai». «oke» be loga la gui.


Image designed by Ajipebriana, brgfx, upklyak / Freepik

a pos de shau zaman, bari kelele be audi a supra de kio. «ke jen marcha a mi su kio?», la gui ya krita. «mi, dai behe», la dai behe ya loga a dai soni.

«zai mi kape tu!» la gui ya loga.

«ya, ching lai! mi ten du korne, a ki mi sha harabu tu su yen. mi ten du dai jeng seku, a ki mi sha parcha tu su oste.»

i pos la, la dai behe ya harabu gui su yen, i parcha la gui su oste, i lanse la gui to rivo. pos la, da marcha to gazo topo. a gazo topo, pan behe yam to se e gola. damen sun no ten la energi to fuka to dom. i si damen zoku no ga, damen zoku e gola.