tri behe e un gui
trabasha of Erjo
a tele pas, un gui be dom a nicha of un kio, ki transe un rivo. da gui ye ten un dus rupa. da ten ain, ki dai ka tasa, e nos ki long ka bele.
a un den, da gui ye audi un let son a supra of kio. «ke jen ye marcha a mi se kio?» da gui ye krita. «oh! un li nun mi, let behe» un let behe ye loga. da dai shush li loga, e fa zoku: «mi marcha to gazo stan, a ki mi vil yam to mi e gola».
«nun mi kape tu!» loga da gui.
«no, no!», da let behe ye loga. «no kape mi, a sabab of mi e let let. un li let deng, e mide behe vil marche. da e mor dai». «okei», da gui ye loga.
a pos of let zaman, un son be audi a supra of kio. «ke jen marcha a mi se kio?», da gui ye krita. «oh! e mi, mide behe. mi move to gazo stan, a ki mi vil yam to mi e gola», da mide behe ye loga. da no shush li loga.
«nun mi kape tu!» da gui ye loga.
«no, no! no kape mi» da mide behe ye loga. «let deng, e dai behe vil marcha. da e dai dai». «okei» be loga da gui.
Image designed by Ajipebriana, brgfx, upklyak / Freepik
a pos of let zaman, bari kelele be audi a supra of kio. «ke jen marcha a mi se kio?», da gui ye krita. «mi, dai behe», da dai behe ye loga a dai son.
«nun mi kape tu!» da gui ye loga.
«ye, plis kom! mi ten du korne, a ki mi vil harabu tu se ain. mi ten du dai jeng seku, a ki mi vil parcha tu se oste.»
e pos da, da dai behe ye harabu gui se ain, e parcha da gui se oste, e lanse da gui to rivo. pos da, da ye marcha to gazo stan. a gazo stan, pan behe yam to se e gola. damen sun no ten da energi to fuka to dom. e si damen zoku no ga, damen zoku e gola.