un sube urse mame wola cuta pa bazar. le loga pa lil urse: "ni nyama kande i keke sa dura yu me sa bazar." lil urse loga: "si, si, mame! me jana le. me day urse. bita cuta way!" urse mame loga "salam" i le cuta way.

lil urse sa mon. le fikra: "zay me bila fata eni xey yu me wola!"

lil urse cuta pa wax kamar. le fikra "me ni wola waxa dante zay." lil urse si mal.

lil urse joga lil gar sa mey kamar. le wida keke sanduke sa meza. le fikra "me wola nyama keke!" a le yada: "a! mame loga me ni nyama keke." lil urse ni nyama keke.

lil urse wida kande botol sa almari. le fikra "me wola nyama kande!" a le yada: "a! mame loga me ni nyama kande." lil urse ni nyama kande.

lil urse wida mel pote sa alter almari. le fikra "mame loga nul xey yu tema mel. me bila nyama mel!" lil urse sida sa kurse i le nyama lil mel. mel bon gusta!

lil urse nyama pan mel.

bada, lil urse senta ni jana ya sente sa boke. li dante tung!

le geta tele fon. le loga: "halo'! eska te si dante dotor? bita laya pa me! me soya tung dante!"

dotor laya pa urse famil ya dom. le loga: "eska te nida helpe?" lil urse loga: "si! me soya tung dante!"

dotor bita lil urse sidu sa kurse i kaya boke. "aha! un dante day mal! me bixu geta le pa way."

dotor juxa medike pa dante manse sa jin yu mal dante. lil urse ni senta tung da zay.

dotor tira dante sa pinser. a dante ni laya!

waf laya helpa dotor. dotor i waf tira dante, a dante ni laya!

maw laya helpa dotor i waf. dotor i waf i maw tira dante, a dante ni laya!

tupay laya helpa dotor i waf i maw. dotor i waf i maw i tupay tira dante...

dante laya pa way!

dotor loga pa lil urse: "mal dante zay sa way. cing yada uza dante brox sa mey sube i sa mey xam!" lil urse wada yada.

lil urse loga: "danke dotor i waf i maw i tupay!"

lil urse waxa dante sa dante brox mey sube i mey xam.

urse mame nota lil urse kura zi dante max bon. mame loga: "te si bon lil urse!"