"Three Little Pigs" bi pandunia bax. kitabu thethedorn.

na gon den, law ma goro ha sam lito goro. ama ye ha no bas yeme por dar ko yemen. to na den du yemen bas law, ye dar yemen ko dunia por yemen serca se da kismat.

goro numer un multo no suku kar. ye toto no vol kar i ye bana se da bet ze suhi gras. goro numer dua kar lit max, ama ye plus lit no suku kar, i ye bana se da bet bi mara finger. na bada du sa, yemen gana i dansa i joga na tot den.

goro numer sam tez kar na tot den, i ye bana se da dom bi it. ye bal dom. ye ha fay kan i duman tub. ye rupu ka ye ken jiva na bal du maxim tez fung.

na nale, beria go na visin du daw, jo sam goro doma. ye vida suhi gras da bet, i ye bi nos nota goro, jo na in. ye pensa goro si bon yeme, i ye da boka kayxa sana su.

to ye darba mun, i loga: "liti goro! liti goro! cing mi lay in! cing mi lay in!" ama liti goro vida beria da day hat na cabi kong. to ye dapa: "no! no! no!" na bada, beria viza se da dante i loga: "to mi nafasa i mi nafasa i mi avara tu da bet!"

to ye nafasa i ye nafasa i ye avara bet! beria kaya boka maxim ka ken, ama goro numer un go far, ko dom du liti goro numer dua.

beria kontinu na liti daw. ye pasa dom numer dua, jo banu bi mara finger. ye vida dom. ye bi nos nota goro, jo na in. ye da boka kaixa bana su na dur du ye pensa yemen si bon yeme.

to ye darba mun, i loga: liti goro! liti goro! cing mi lay in! cing mi lay in! ama liti goro vida beria da konai or na cabi kong. to yemen dapa: "no! no! no!" to beria viza se da dante i loga: "to mi nafasa i mi nafasa i mi avara tu da dom!"

to ye nafasa i ye nafasa i ye avara dom! beria vol max ka bas, i ye proba kaca dua goro na sem sat, ama ye vol max ka bas, i ye kap nul goro! ye da day boka kayulu bi nul xe minus hawa. dua liti goro go far bi maximi rapide ka yemen da ped ken porta yemen.

beria proba kaca yemen na lit daw. ye jino kaca yemen. ama yemen lay ko it bet i kelelo kayula mun na pice du se na ante du beria ken kaca yemen.

sam liti goro fobu. yemen saba beria vol yem yemen. sa si multo multo ver. beria no gon yem na tot den i max max vol yem na dur du proba kaca goro. na sa mar ye ken nos nota tot sam yemen na in. ye saba sam liti goro si bon yeme.

to beria darba mun, i loga: "liti goro! liti goro! cing mi lay in! cing mi lay in!" ama liti goro vida beria da liti wang yen na cabi kong. to yemen dapa: #no! no! no!" to beria viza se da dante i loga: "to mi nafasa i mi nafasa i mi avara tumen da dom!"

ye nafasa i ye nafasa. ye nafasa i ye nafasa. i ye nafasa, i ye nafasa, i ye nafasa, ama ye no ken avara dom. na fin, ye multo fatigo nafasa. sun ye no max ken nafasa. to ye stopa por sona i ye lit pensa.

sa si max ka bas. beria kina na wen bi amuk i loga ye lay na duman tub i ye yem lit goro na xam yeme. ama na dur du ye go ko par du bet, liti goro kar garam garam fay i pon day ketel du su ko fay. bada, na sem sat du beria go ko tal du fay kan, liti goro kaya kap... a! beria go in du garam garam su!

to liti goro pon kap ko ketel. beria jalu na ketel! i sam liti goro yem ye na xam yeme.