tin lil gurube

"Three Little Pigs" sa pandunia bax. kitabu thethedorn.

🐷🐷🐷

sa pase lawi mame gurube tena tin lil gurube. a le no tena basi niame pa dona pa lole. sa den da lole baso lawi, le senda lole pa dunia pa lole serca zi destine.

gurube nombre un no suku werke multo. le pano no wana werka e le bina zi dome ca suhi gras. gurube nombre dul werka lilo max, a le plus lilo no suku werke, e le bina zi dome sa xake. badu ye, lole canta e dansa e fanu sa mey den.

gurube nombre tin tezo werka sa pan den, e le bina zi dome sa petre. le forti dome. le tena tanure e dumanotube. le rupa ko le abla jiva sa forte da maxim forti hawe.

sa badoden, wolfe gowa sa karibi daw, da tin gurube doma. le vida suhi grase du dome, e le nosonota gurube sa junge da dome. le fikra gurube si bon niame, e li boke kaixu cana suy.

🐺

wolfe darba mun, e loga: "lil gurube! lil gurube! pliza kaya mun! pliza kaya mun!" a lil gurube vida wolfe du day hande sa cabokonge. le jawaba: "no! no! no!" bado, wolfe xowa zi dante e loga: "me hawa e me hawa e me parca ti dome!"

le hawa e le hawa e le parca dome! wolfe kaya boke maxim ko le abla, a gurube nombre un gowa tele, pa dome da lil gurube nombre dul.

wolfe kontinu sa lil daw. le pasa dome nombre dul, da fatu sa xake. le vida dome. le noso nota gurube sa inde. li boke kaixu cana suy, sabu le fikra lole si bon niame.

le darba mun, e loga: "lil gurube! lil gurube! pliza kaya mun! pliza kaya mun!" a lil gurube vida wolfe du goni ore sa cabokonge. lole jawaba: "no! no! no!" wolfe xowa zi dante e loga: "me hawa e me hawa e me parca ti dome!"

🌬️

le hawa e le hawa e le parca dome! wolfe testa kapa dul gurube sa sami zamane, a le wana max ko baso, e le kapa nol gurube! li day boke kayulu sa nole minus aire. dul lil gurube gowa tele maximo rapido ko loli pede abla porta lole.

wolfe testa kapa lole sa lil daw. le karibo kapa lole, a lole laya pa petri dome e kelelo kayula mun sa zi pice e sa ante da wolfe abla kapa lole.

tin lil gurube fobu. lole jana wolfe wana niama lole. we si multo multo fobi. wolfe no lewo niama sa pan den, e le niamowane kaixu esa no tolerabli. sa yi ban le abla noso nota pan tin gurube sa dome. le jana tin lil gurube si bon niame.

wolfe darba mun, e loga: "lil gurube! lil gurube! pliza kaya mun! pliza kaya mun!" a lil gurube vida wolfe du lil limonorangi kane sa cabokonge. lole loga: "no! no! no!" wolfe xowa zi dante e loga: "me hawa e me hawa e me parca toti dome!"

le hawa e le hawa. le hawa e le hawa. e le hawa, e le hawa, e le hawa, a le no abla parca wi dome. sa fine, le multo fatigo hawa. suno le no abla hawa max. le tingu pa xuxu, e le lilo fikra.

ye si max ko baso. wolfe marca sa sirke sa furia. le loga le laya transa dumanotube e le niama lil gurube sa xamoniame. a sa dure du le gowa pa cate yu dome, lil gurube fata multo garmi pire e loka dayi suyoketele pa pire. bado, sa sami zamane da wolfe gowa pa tale da tanure, lil gurube kaya ketele... a! wolfe gowa inde da multo garmi suy!

🔥

lil gurube loka dake pa ketele. wolfe bulu sa ketele! e tin lil gurube niama le sa xamoniame.