"Three Little Pigs" sa pandunia bax. kitabu thethedorn.

🐷🐷🐷

sa pase law mam gurube tena tin lil gurube. a le no tena bas niam pa dona pa lole. sa den da lole bas law, le senda lole pa dunia pa lole serca zi kisme.

gurube num un no pol suku werke. le mey no wana werka i le bina ze ca dom ca suhi gras. gurube num dul werka lil max, a le plus lil no suku werke, i le bina zi dom sa xake. badu ye, lole canta i dansa i mazu sa mey den.

gurube num tin tez werka sa tot den, i le bina zi dom sa petre. le bal dom. le ha fay kan i duman tube. le rupa ko le abla jiwa sa bal yu maxim bal fung.

sa nale, wolfe gowa sa jin da daw, da tin gurube doma. le vida suhi gras du dom, i le sa nos nota gurube, da sa jung. le fikra gurube si bon niam, i li boke mulu sana suy.

🐺

wolfe darba mun, i loga: "lil gurube! lil gurube! plisa me laya jung! plisa me laya jung!" a lil gurube vida wolfe du day han sa cabi kong. a le jawaba: "no! no! no!" sa bada, wolfe xowa zi dante i loga: "me nafasa i me nafasa i me parca ti dom!"

le nafasa i le nafasa i le parca dom! wolfe kaya boke maxim ko le ken, a gurube num un gowa far, pa dom da lil gurube num dul.

wolfe kontinu sa lil daw. le pasa dom num dul, da fatu sa xake. le vida dom. le sa nos nota gurube, da sa jung. li boke mulu bina suy sa dur da le fikra lole si bon niam.

le darba mun, i loga: "lil gurube! lil gurube! plisa me laya jung! plisa me laya jung!" a lil gurube vida wolfe du koni or sa cabi kong. a lole jawaba: "no! no! no!" wolfe xowa zi dante i loga: "me nafasa i me nafasa i me parca ti dom!"

🌬️

le nafasa i le nafasa i le parca dom! wolfe wana max ko bas, i le proba kaca dul gurube sa sam zaman, a le wana max ko bas, i le kapa nol gurube! li day boke kayulu sa nol xe minus hawa. dul lil gurube enda far sa maximi rape ko loli pede abla porta lole.

wolfe proba kaca lole sa lil daw. le jino kaca lole. a lole laya pa petri dom i keleli kayula mun sa pice da ze sa ante da wolfe ken kaca lole.

tin lil gurube fobu. lole jana wolfe wana niama lole. we si day day fobi. wolfe no lew niama sa tot den i max max wana niama sa dur yu proba kaca gurube. sa yi mar le abla nos nota tot tin lole sa jung. le jana tin lil gurube si bon niam.

wolfe darba mun, i loga: "lil gurube! lil gurube! plisa me laya jung! plisa me laya jung!" a lil gurube vida wolfe du lil wang yen sa cabi kong. a lole : "no! no! no!" wolfe xowa zi dante i loga: "me nafasa i me nafasa i me parca tote du dom!"

le nafasa i le nafasa. le nafasa i le nafasa. i le nafasa, i le nafasa, i le nafasa, a le no abla parca dom. sa fin, le day fatigi nafasa. sun le no abla nafasa max. le tingu pa sona i le lil fikra.

ye si max ko bas. wolfe kina sa wen sa furia i loga le laya ca duman tube i le niama lil gurube sa xam niam. a sa dur da le gowa pa cate yu dom, lil gurube fata garmi garmi fay i loka day pote da suy pa fay. bada, sa sam zaman da wolfe gowa pa tal da fay kan, lil gurube kaya pote... a! wolfe gowa jung da garmi garmi suy!

🔥

lil gurube loka deke pa pote. wolfe jalu sa pote! i tin lil gurube niama le sa xami niam.