"Three Little Pigs" sa pandunia bax. kitabu thethedorn.

🐷🐷🐷

sa pase law mam gurube tena tin lil gurube. a le ni tena bas nyam pa dona pa lole. sa den du lole bas law, le senda lole pa dunia pa lole serca zi kisme.

gurube num un ni pol suku werke. le mey ni wanta werka i le bina ze ya dom ya suhi gras. gurube num dul werka lil max, a le plus lil ni suku werke, i le bina zi dom sa xake. badu ce, lole gana i dansa i mazu sa mey den.

gurube num tin tez werka sa tot den, i le bina zi dom sa petre. le bal dom. le ha fay kan i duman tube. le rupa ka le abla jiwa sa bal yu maxim bal fung.

sa nale, wolfe gowa sa jin du daw, du tin gurube doma. le vida suhi gras da dom, i le sa nos nota gurube, du sa jung. le fikra gurube si bon nyam, i li boke mulu sana suy.

🐺

wolfe darba mun, i loga: "lil gurube! lil gurube! plisa me laya jung! plisa me laya jung!" a lil gurube vida wolfe da day han sa cabi kong. a le jawaba: "ni! ni! ni!" sa bada, wolfe xowa zi dante i loga: "me nafasa i me nafasa i me parca ti dom!"

le nafasa i le nafasa i le parca dom! wolfe kaya boke maxim ka le ken, a gurube num un gowa far, pa dom du lil gurube num dul.

wolfe kontinu sa lil daw. le pasa dom num dul, du fatu sa xake. le vida dom. le sa nos nota gurube, du sa jung. li boke mulu bina suy sa dur du le fikra lole si bon nyam.

le darba mun, i loga: "lil gurube! lil gurube! plisa me laya jung! plisa me laya jung!" a lil gurube vida wolfe da koni or sa cabi kong. a lole jawaba: "ni! ni! ni!" wolfe xowa zi dante i loga: "me nafasa i me nafasa i me parca ti dom!"

🌬️

le nafasa i le nafasa i le parca dom! wolfe wanta max ka bas, i le proba kaca dul gurube sa sam zaman, a le wanta max ka bas, i le kapa nol gurube! li day boke kayulu sa nol xe minus hawa. dul lil gurube enda far sa maximi rape ka loli pede abla porta lole.

wolfe proba kaca lole sa lil daw. le jino kaca lole. a lole laya pa petri dom i keleli kayula mun sa pice du ze sa ante du wolfe ken kaca lole.

tin lil gurube fobu. lole jana wolfe wanta nyama lole. ce si day day fobi. wolfe ni gon nyama sa tot den i max max wanta nyama sa dur yu proba kaca gurube. sa ci mar le abla nos nota tot tin lole sa jung. le jana tin lil gurube si bon nyam.

wolfe darba mun, i loga: "lil gurube! lil gurube! plisa me laya jung! plisa me laya jung!" a lil gurube vida wolfe da lil wang yen sa cabi kong. a lole : "ni! ni! ni!" wolfe xowa zi dante i loga: "me nafasa i me nafasa i me parca tote da dom!"

le nafasa i le nafasa. le nafasa i le nafasa. i le nafasa, i le nafasa, i le nafasa, a le ni abla parca dom. sa fin, le day fatigi nafasa. sun le ni abla nafasa max. le tingu pa sona i le lil fikra.

ce si max ka bas. wolfe kina sa wen sa furia i loga le laya ya duman tube i le nyama lil gurube sa xam nyam. a sa dur du le gowa pa cate yu dom, lil gurube fata garmi garmi fay i loka day pote du suy pa fay. bada, sa sam zaman du wolfe gowa pa tal du fay kan, lil gurube kaya pote... a! wolfe gowa jung du garmi garmi suy!

🔥

lil gurube loka deke pa pote. wolfe jalu sa pote! i tin lil gurube nyama le sa xami nyam.