"Three Little Pigs" na pandunia bax. kitabu thethedorn.

🐷🐷🐷

na pase law mam gurube ada sam lil gurube. a ye no ada bas nyam to dona to yemen. na den du yemen bas law, ye senda yemen to dunia to yemen serca se da kisme.

gurube num un no pol suku werke. ye mey no wol werka i ye bina se da dom ze suhi gras. gurube num dul werka lil max, a ye plus lil no suku werke, i ye bina se da dom na xake. badu de, yemen gana i dansa i mazu na mey den.

gurube num sam tez werka na tot den, i ye bina se da dom na petre. ye bal dom. ye ha fay kan i duman tube. ye rupa ka ye bila jiwa na bal du maxim bal fung.

na nale, wolfe enda na jin du daw, du sam gurube doma. ye wida suhi gras da dom, i ye na nos nota gurube, du na jung. ye fikra gurube si bon nyam, i ye da boke mulu sana suy.

🐺

wolfe darba mun, i loga: "lil gurube! lil gurube! bita mi laya jung! cing mi laya jung!" a lil gurube wida wolfe da day han na cabi kong. to ye dapa: "no! no! no!" na bada, wolfe wiza se da dante i loga: "to mi nafasa i mi nafasa i mi parca tu da dom!"

to ye nafasa i ye nafasa i ye parca dom! wolfe kaya boke maxim ka ye ken, a gurube num un enda far, to dom du lil gurube num dul.

wolfe kontinu na lil daw. ye pasa dom num dul, du fatu na xake. ye wida dom. ye na nos nota gurube, du na jung. ye da boke mulu bina suy na dur du ye fikra yemen si bon nyam.

to ye darba mun, i loga: "lil gurube! lil gurube! bita mi laya jung! cing mi laya jung!" a lil gurube wida wolfe da konai or na cabi kong. to yemen dapa: "no! no! no!" to wolfe wiza se da dante i loga: "to mi nafasa i mi nafasa i mi parca tu da dom!"

🌬️

to ye nafasa i ye nafasa i ye parca dom! wolfe wol max ka bas, i ye proba kaca dul gurube na sem sat, a ye wol max ka bas, i ye geta nol gurube! ye da day boke kayulu na nol xe minus hawa. dul lil gurube enda far na maximi rapide ka yemen da ped bila porta yemen.

wolfe proba kaca yemen na lil daw. ye jino kaca yemen. a yemen laya to petre dom i keleli kayula mun na pice du se na ante du wolfe ken kaca yemen.

sam lil gurube fobu. yemen jana wolfe wol nyama yemen. de si day day fobi. wolfe no gon nyama na tot den i max max wol nyama na dur du proba kaca gurube. na ci mar ye bila nos nota tot sam yemen na jung. ye jana sam lil gurube si bon nyam.

to wolfe darba mun, i loga: "lil gurube! lil gurube! bita mi laya jung! bita mi laya jung!" a lil gurube wida wolfe da lil wang yen na cabi kong. to yemen dapa: "no! no! no!" to wolfe wiza se da dante i loga: "to mi nafasa i mi nafasa i mi parca tumen da dom!"

ye nafasa i ye nafasa. ye nafasa i ye nafasa. i ye nafasa, i ye nafasa, i ye nafasa, a ye no bila parca dom. na fin, ye day fatigi nafasa. sun ye no max bila nafasa. to ye tingu to sona i ye lil fikra.

de si max ka bas. wolfe kina na wen na furia i loga ye laya ze duman tube i ye nyama lil gurube na xam nyam. a na dur du ye enda to cate du dom, lil gurube fata garmi garmi fay i loka day pote du suy to fay. bada, na sem sat du wolfe enda to tal du fay kan, lil gurube kaya pote... a! wolfe enda jung du garmi garmi suy!

🔥

to lil gurube loka deke to pote. wolfe jalu na pote! i sam lil gurube nyama ye na xam nyam.