tarju da Erjo

sa mar, zayu guy da domu sa nice da pulte da transa suy. guy tena mal rupe. le tena yen – day ko plate, e nos – day ko warkobrox.

sa koy den, guy auda lil sonde sa supre da pulte. «ki ren marca sa me du pulte?» kritu guy. «o! mon me, lil buze» logu lil buze. le loga day fain, e kontina: «me marca pa gras loke da me wil nyama pa me si feti».

«nun me kapa te!» logu guy.

«no, no!», logu lil buze. «no kapa me, sabu me si lil lil. mon denga lil, e jung buze wil marca, le si max day». «okey», logu guy.

👺

bada lil zaman, sonde audu sa supre da pulte. «ki ren marca sa me du pulte?», kritu guy. «o! si me, jung buze. me kina pa grasistan da me wil nyama pa me si feti», jung buze loga. le fuli no loga fain.

«nun me kapa te!» logu guy.

«no, no! no kapa me» logu jung buze. «denga lil, e day buze wil marca, le si day day». «okey» logu guy.

🐐🐐🐐

bada lil zaman, bari kelele audu sa supre da daw. «ki ren marca sa me du pulte?», kritu guy. «me, day buze», logu day buze sa gaw sonde.

«nun me kapa te!» logu guy.

«si, te laya! me tena dul baton, sa lole me wil haraba te du yen. me tena dul day jengopetre, sa lole me wil parca te du oste.»

e bada ye, day buze haraba guy du yen, e parca guy du oste, e lanca guy pa suy. bada ye, le marca pa grasistan. sa grasistan, pan buze fatu feti. lole karbi no tena energe pa fuga pa dom. e gar lole no kina ze hay, lole hay si feti.

🏞️