tarju yu Erjo

sa mar, zayu guy yu doma sa nice yu pulte yu transa suy. guy soya mal rupe. le soya yen – day ka plate, i nos – day ka warkobrox.

sa koy den, guy auda lil sonde sa supre yu pulte. «ki ren marca sa me ya pulte?» kritu guy. «o! mon me, lil buze» logu lil buze. le loga day fain, i kontina: «me marca pa gras loke yu me wil nyama pa me si feti».

«nun me kapa te!» logu guy.

«ni, ni!», logu lil buze. «ni kapa me, sabu me si lil lil. mon denga lil, i jung buze wil marca, le si max day». «okey», logu guy.

👺

bada lil zaman, sonde audu sa supre yu pulte. «ki ren marca sa me ya pulte?», kritu guy. «o! si me, jung buze. me kina pa grasistan yu me wil nyama pa me si feti», jung buze loga. le fuli ni loga fain.

«nun me kapa te!» logu guy.

«ni, ni! ni kapa me» logu jung buze. «denga lil, i day buze wil marca, le si day day». «okey» logu guy.

🐐🐐🐐

bada lil zaman, bari kelele audu sa supre yu daw. «ki ren marca sa me ya pulte?», kritu guy. «me, day buze», logu day buze sa gaw sonde.

«nun me kapa te!» logu guy.

«si, te laya! me soya dul baton, sa lole me wil haraba te ya yen. me soya dul day jengopetre, sa lole me wil parca te ya oste.»

i bada ce, day buze haraba guy ya yen, i parca guy ya oste, i lanca guy pa suy. bada ce, le marca pa grasistan. sa grasistan, pan buze fatu feti. lole karbi ni soya energe pa fuga pa dom. i gar lole ni kina ze hay, lole hay si feti.

🏞️