tarjumu du Erjo

na mar, zayu guy du doma na nice du pulte du transa suy. guy ada mal rupe. ye ada yen – day ka plate, i nos – day ka warke brox.

na koy den, guy auda lil sonde na supre du pulte. «ki ren marca na mi da pulte?» kritu guy. «o! mon mi, lil buze» logu lil buze. ye loga day fain, i kontina: «mi marca to gras loke du mi wil nyama to mi si feti».

«nun mi kapa tu!» logu guy.

«no, no!», logu lil buze. «no kapa mi, karena mi si lil lil. mon denga lil, i jung buze wil marca, ye si max day». «okey», logu guy.

👺

bada lil zaman, sonde audu na supre du pulte. «ki ren marca na mi da pulte?», kritu guy. «o! si mi, jung buze. mi kina to gras loke du mi wil nyama to mi si feti», jung buze loga. ye fuli no loga fain.

«nun mi kapa tu!» logu guy.

«no, no! no kapa mi» logu jung buze. «denga lil, i day buze wil marca, ye si day day». «okey» logu guy.

🐐🐐🐐

bada lil zaman, rapidi si kelele na supre du daw. «ki ren marca na mi da pulte?», kritu guy. «mi, day buze», logu day buze na gaw sonde.

«nun mi kapa tu!» logu guy.

«si, tu laya! mi ada du baton, na yemen mi wil haraba tu da yen. mi ada du day jang-petre, na yemen mi wil parca tu da oste.»

i bada de, day buze haraba guy da yen, i parca guy da oste, i lanca guy to suy. bada de, ye kina to gras loke. na gras loke, pan buze fatu feti. yemen karbi no ada energe to fuga to dom. i gar fate no kina ze yemen hay, yemen hay si feti.

🏞️