tarju du Erjo

sa mar, zayu guy du domu sa nice du pulte du transa suy. guy tena mal rupe. le tena yen – day ka plate, i nos – day ka warkobrox.

sa koy den, guy auda lil sonde sa supre du pulte. «ki ren marca sa me da pulte?» kritu guy. «o! mon me, lil buze» logu lil buze. le loga day fain, i kontina: «me marca pa gras loke du me wil nyama pa me si feti».

«nun me kapa te!» logu guy.

«ni, ni!», logu lil buze. «ni kapa me, sabu me si lil lil. mon denga lil, i jung buze wil marca, le si max day». «okey», logu guy.

👺

bada lil zaman, sonde audu sa supre du pulte. «ki ren marca sa me da pulte?», kritu guy. «o! si me, jung buze. me kina pa grasistan du me wil nyama pa me si feti», jung buze loga. le fuli ni loga fain.

«nun me kapa te!» logu guy.

«ni, ni! ni kapa me» logu jung buze. «denga lil, i day buze wil marca, le si day day». «okey» logu guy.

🐐🐐🐐

bada lil zaman, bari kelele audu sa supre du daw. «ki ren marca sa me da pulte?», kritu guy. «me, day buze», logu day buze sa gaw sonde.

«nun me kapa te!» logu guy.

«si, te laya! me tena dul baton, sa lole me wil haraba te da yen. me tena dul day jengopetre, sa lole me wil parca te da oste.»

i bada ce, day buze haraba guy da yen, i parca guy da oste, i lanca guy pa suy. bada ce, le marca pa grasistan. sa grasistan, pan buze fatu feti. lole karbi ni tena energe pa fuga pa dom. i gar lole ni kina ze hay, lole hay si feti.

🏞️