La ortografio de pandunio estas unu fonemo por unu litero, kaj inverse unu litero por unu fonemo.

Pandunio uzas la bazan latinan alfabeton sen aldonitaj literoj.

Jen la dunian alfabeto (sekvata per esperanta prononco).

Pandunie:   a b c  d e f g h i j  k l m n o p r s t u w x y z
Esperante:  a b ĉ  d e f g h i ĝ  k l m n o p r s t u ŭ ŝ j z
IPA:       /a b tʃ d e f g h i dʒ k l m n o p r s t u w ʃ j z/

Oni rajtas skribi pandunion per nur minusklaj literoj. Sed, se oni volas, oni povas uzi majusklajn literojn por komencigi frazojn kaj proprajn nomojn.

Vokaloj

Dunian havas kvin vokalojn. Ili estas prononcitaj kiel en esperanto.

i   u
e   o
  a

Diftongoj

Diftongo (ĝemelvokalo) estas kunmeto de du vokaloj, kie prononco glitas el la unua vokalo al la dua en sama silabo. La plej oftaj diftongoj estas ai, ei, au (aj, ej, aŭ).

Konsonantoj

p  b  f     m  w
t  d  s  z  n  l  r
c  j  x        y
k  g  h

Nur la sekvantaj konsonantoj estas prononcataj malsame kiel en esperanto:

  • c estas prononcata kiel esperanta "ĉ".
  • j estas prononcata kiel esperanta "ĝ".
  • x estas prononcata kiel esperanta "ŝ".
  • w estas prononcata kiel esperanta "ŭ".
  • y estas prononcata kiel esperanta "j".

Akcento

La akcento estas je la vokalo antaŭ la lasta konsonanto.

dúnia sí mimén da sundár planét.
mí wól lóga komún báxa yáni pandúnia.